الكبير كبير بنحبك يامنير

من طرف nobianman 2009-04-01, 1:36 pm

محمد منير

الكينج

على مدى 30عام مضت امتعنا العبقرى و المبدع منير بعدد كبير من الابدعات

تخيلو ؟ 30 سنه من الفن 30 سنه عمر كامل وهبو منير للفن و بعد كده ازى يبقى فى كينج غيرو

معتقدش ان ينفع يتقال على حد غيرو الملك

طبعا كلنا سمعنا عن مشكله منير مع تامر و الى ميعرفش هقلو

المشكله عباره عن ان تامر كان فى حفله لمنير

حب يطلع يسلم على الكينج

بس غلط و افتكر انو ممكن يغنى جمب الكينج

الكينج الى عمرو دياب اول ما منير طلع فى حفلتو ادالو الميك

و قف وراه على البيانو

تخيلو عمرو دياب بيعزف البيانو لمنير

بس علشان عمرو عارف منير ده مين

و عارف كويس ان ده ميقلش من قيمتو و بالعكس

نرجع لمشكله تامر

طبعا اول ما تامر حب يغنى جمب الكينج

الجمهور الى فى الاوبرا كلو هتف باعلى صوت انزل يا تامر

منير حاول يحتوى الموضوع و عدت المشكله

! تخيلو بقى بعد كده تامر يطلب من منير يعتزر ليه

مع ان منير مغلطش فيه اصلا

!!! و ازى يعنى يجيلو قلب يطلب طلب زى ده

و علشان الى ميعرفش مين منير

و حجم منير

انا حبيت اعرفكو مين هو منير

و دى كل اعمال الكينج

الالبومات

1- علمونى عنيكى 1977
2- بنتولد 1979
3- حواديت 1980
4- شبابيك 1981
5- اتكلمى 1983
6- برئ 1986

7- 1986 الملك هو الملك
8- وسط الدايره 1987
9- شيكولاته 1989
10- يا اسكندريه 1990
11- مشوار 1991
12- الطول و اللون و الحريه 1992
13- الليله يا سمرا 1993
14- مقدرش 1993
15- افتح قلبك 1994
16- ممكن 1995
17- من اول لمسة 1996

18- 1997 اغانى فيلم المصير) المصير)

19- 1998اغانى مسلسل جمهوريه زفتى) حبيبتى)

20- الفرحة 1999
21- فى عشق البنات 2000
22- انا قلبى مساكن شعبيه 2001
23- الارض و السلام 2002
24- احمر شفايف 2003
25- 2003 CoLLecTion
26- امبارح كان عمرى عشرين 2004
27- 2006 ode to liberty DUNIA

28- 2007 طعم البيوت

الافلام

1- 1982 حدوته مصريه

2- 1986 اليوم السادس

3- 1987 الطوق و الاسوره

4- 1988 يوم حلو و يوم مر

5- 1992 حكايات الغريب

6- 1993 ليه يا هرم

7- البحث عن توت عنخ امون

8- شباب على كف عفريت

9- اشتباه

10- 1997 المصير

12- حكايات الغريب عن قصه قصيره لجمال الغطانى

13- 2006 دنيا

المسلسلات

1- 1998 جمهوريه زفته

2- على عليوه

المسرحيات

1- الملك هو الملك

2- ملك الشاحتين

3- مساء الخير يا مصر

تخيلو البوم غنائى

و فيلم

و مسلسلين

و مسرحيات

لو حد يعرف اسم فنان واحد قدر يعمل الحجات دى يقولى عليه

بس مستحيل تلاقى

علشان مفيش غير منير واحد بس

طبعا منير مطلعش عفريتى كده

ده اتلمذ على ايد ناس من احسن الشعراء و الملحنين فى مصر

و العالم العربى كلو

معلومات عن حياه منير

الدراسه و البدايه الفنيه

تخرج في قسم الفوتوغرافيا والسينما والتليفزيون من كلية الفنون التطبيقية جامعة حلوان. وأثناء أو بعد دراسته استمع إليه زكي مراد الشيوعي النوبي فأوصى عبد الرحيم منصور، الشاعر المعروف آنذاك بالاستماع إليه، وكبرت الدائرة لتشمل أحمد منيب الذي لم يكن أحد قد سمع به، فأخذ في تدريب منير على أداء ألحانه وألحان غيره النوبية، ثم بدآ في الاستعانة بكلمات معارفهم من الشعراء عبد الرحيم منصور وفؤاد حداد

الاحتراف

كانت البداية الحقيقية بانضمام الموسيقي هاني شنودة الذي أضاف للمجموعة كثيرا، بألحانه وتوزيعاته غربية الطابع، بل إنه جلب أعضاء فرقته الحديثة وقتها المصريين ليرددوا ويعزفوا أغاني الألبوم الأول الذي لم يصادفه النجاح. وتلا ذلك ألبوم من إنتاج نفس الشركة التي اقتنعت بتلك المجموعة، والتي أتى شنودة إليها بيحيى خليل وفرقته، فنجح الألبوم وتبعته نجاحات متتالية في ألبومات نتاج لتعاون كامل مع فرقة يحيى خليل وملحنين و كتاب شباب وكبار، وتنوعت التجارب وأثراها اتجاه منير للدراما، وإشراك فرق غربية أيضا، والغناء بلهجات شامية وسودانية وجزائرية في خضم ما عرف بموسيقى الجيل وخلطها بين القوالب.

السمات الفنيه

عرف منير بأدائه التلقائي والخارج عن آداب الأداء المعروفة للمصريين، فلم يشاهد في بدلة أو ثابتا أمام الميكروفون، و حركاته العصبية، ولهجته الهجين بين القاهرية والأسوانية، كما أن ارتباطه بأشعار الصف الأول من شعراء العامية المصرية و قواميسهم المغايرة الخالية من النبرة الرومانتيكية التي سادت منذ أواخر القرن التاسع عشر وموسيقاه المنفصلة عن الطرب الكلاسيكي ، جعل الكثيرين ينكرونه ولكنه في المقابل أعجب الشباب بل وجمهور المهرجانات، وأطلق عليه محبوه في مصر"الملك" تيمنا باسم ألبومه السياسي الشهير. وقد استطاع منير أن يحطم في التسعينيات صورته كمغن للمثقفين، وصار من المألوف أن تسمعه في الشارع.

قيل عن منير

محمد منير هو المغني الوحيد المثقف في مصر حجاج أدول في حوار لجريده القاهرة أبريل 2004

البطاقه الشخصيه

[الاسم : محمد منير

الشهره : منير

اللقب : الملك

الحاله الاجتماعيه : اعزب

سنه الميلاد : 10 اكتوبر 1954

الجنسيه : مصرى

المهنه : فنان

نوع الموسيقى : الجاز المخطلط بالسلم الخماسى النوبى

ده بقى محمد منير

الفنان

العبقرى

المبدع

ده

الملك

معلش طولت عليكو

بس انا لو كتبت مليون صفحه مش هدى لمنير حقو

و بعد معرفتو مين منير

اعتقد عرفتو ليه ده[

الملك

ده ملك الغنا فى مصر و العالم العربى كلو

و معتقد ان فى مغنى جه او هيجى فى مصر ممكن يتقارن بمنير

و فى اخر عايز اقول كلمه واحد

النجم مش الى يعمل الف اغنيه فى السنه

النجم الى يعمل اغنيه تعيش الف سنه

الكبير كبير بنحبك يا منير