©«-.¸¸.-»©منتديات محمد منير©«-.¸¸.-»©
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كلمات الألبومات الدرامية و النوبية للكينج

4 مشترك

اذهب الى الأسفل

GMT + 11 Hours كلمات الألبومات الدرامية و النوبية للكينج

مُساهمة من طرف nobianman 2009-04-01, 1:43 pm


ألبوم المصير


عشاق الحياة


اااه ..اه ، يا عشاق الحياة ااه .. ااه
جمر الهوى حوا القلوب والع .. والع
لو غاب قمر مليون قمر طالع
جمر الهوى حوا القلوب والع .. والع
لو غاب قمر مليون قمر طالع
يفتح سبيل ، فى المستحيل
يفتح سبيل ، فى المستحيل
يا فجرنا يا سلسبيل
مهما تغيب .. راجع راجع
يا ضحكة من نينى العيون متمكنة
كل المطارح ملكنا
نرقص مكان ما نحب
و نرقص الاحلام فى حضن القلب
نتحدى يومنا بالغنى
نتحدى يومنا بالغنى
نتحدى يومنا بالغنى
من القلب ده دقة
و نحس ده حبة
و الرجل دى دبة دبة دبة
مدوا الخطاوى .. مشوارنا لسة طويل
و مالوش بديل
و كل خطوة ع الطريق .. ع الطريق قنديل
و ازاى نميل
ده بكرة جايب نهار
يستاهل المشوار
و حلمنا لو ينضرب
حنصد و نرد ولابد
يبقى المصير فى اليد

---------------------------------------------------------------------

على صوتك

على صوتك الغنا
لسة الأغانى ممكنة .. ااااه
و لسة ياما .. ياما ياما ياما ، فى عمرنا
على صوتك على صوتك بالغنا
لسة الأغانى ممكنة
على صوتك على صوتك بالغنا
لسة الأغانى ممكنة
و لو فى يوم ، راح تنكسر ، لازم تقوم
واقف كما النخل باصص للسما للسما
ولا انهزام .. ولا انكسار
ولا انهزام .. ولا انكسار
ولاخوف ولا .. ولا حلم نابت فى الخلا
على صوتك على صوتك بالغنا
لسة الأغانى ممكنة
غنوتك وسط الجموع
تهز قلب الليل فرح
تداوى جرحى اللى انجرح

ترقص ... ارقص
غصب عنى .. ارقص
غصب عنى .. غصب عنى ارقص
ينشبك حلمك فى حلمى
غصب عنى .. ارقص

ولا انهزام ... ولا انكسار
ولا خوف ولا ولا حلم نابت فى الخلا

على صوتك ... على صوتك بالغنا
لسة الأغانى ممكنة ... ممكنة ...ممكنة



ألبوم دنيا


مين مين

و مين يجز بإيده الورد
يقص قصد جناح عصفور
مين مين
مين يجز بإيده الورد
مين مين
يقص قصد جناح عصفور
مين مين
مين يجرى دموع على الخد
مين مين
يطفى بقساوة شعاع نور
مين مين
مين ايديه تفرح بالدم
مين مين
بجرح عمره ما يوم يتلم
مين مين

---------------

ألف الشوارع
أتوه فى المدينة
أضيع فى المواجع
فى دموعى الحزينة
وفى كل الشوارع
لا ضاعت مواجع
ولاهديت عيونى
ولا عاد اللى راجع

-----------

علشان يشبهلك
علشان يشبهلك يا حبيبتى حبيته
كان نفسى أناديلك يا حبيبتى
كان نفسى أناديلك وناديته
كان نفسى أناديلك اشكيلك
أسمع منك أبكيلك
كان نفسى أنورلك قمرى
وأعملك بإيديا الشاى
أحكيلك فى الليل حكاياتى
وأغنى لعنيكى بناى
كان نفسى أضمك وبقوة
أضمك انتى مش هو
كان نفسى أناديلك وأحكيلك
أسمع منك أبكيلك
كان نفسى وجريت أيامى
وخادنى البحر وودانى

-------------------

دنيا يا دنيا
اه يا دنيا
انتى يا دنيا الدنيا دنيا
لو تكونى الحب الصافى
لو تكونى يا دنيا ملاذى
انتى يا دنيا حبيبتى وناسى
انتى يا دنيا يومى الآتى
دنيا دنيا انتى يا دنيا





ألبوم مقدرش


شدو الستارة

شدو الستارة عليا انا بدى اقفل عيونى
جايبنى تتسلو بيا فى زمنكو وتبهدلونى
شدو شدو شدو الستارة
انا الى مجنون لوحدى ولا انتو شقلبتو عقلى
وتقولو اهلا يا جدى لا انا جد ولا انتو اهلى
الدنيا ماعديتش هية يارتنا ما جيت ازرها
دنيا سمك جوة مية كبرها ياكل صغيرها

يانورس يا ابيض

يانورس يا ابيض يا ابو قلب ابيض بحب البشر وبلخير بينبض
سحاب الشرور مكتف جناحك ودمع البحور مزود جراحك
فى عقل اسود مليان سموم شتت وشرد وبكى النجوم
وحزنى عليك دموعك عليا وخوفى الى فيك خيالة فى عنيا
وازى تطير ازى والكون دخان وانت اثير سكون الى خان

الى يبيع بيت ابوة

الى يبيع بيت ابوة ممكن يبوع اختة ممكن يبيع امة
وفرحتة وهمة ويبيع اصحابة
الحب مش لزمة الحب مش لزمة
ممكن يبيع بلدة ممكن يبيع ولدة
ما كل دول بيت ابوة بيت ابوة
والى يبيع ممكن يبيع ممكن يبيع

بندهك

بندهك يا طير مهاجر يرجع الصبح المسافر
بندهك فلاح وبنا يزرعو فى الارض جنة
بندهك صانع وتاجر يرجع الصبح المسافر
تتملى الاجران بغلة
تضحك الاغصان فراولة
تفرش الارض بضلة
تلضم الاولاد فى شلة
ينفتح قلب المحاجر
يرجع الصبح المسافر
يرجع الصوت الونيس
تقتقط فرن الخبيز
صلصلة جرس المعيز
يصهل الخيل للدريس
تضرب الارض الحوافر
يرجع الصبح المسافر
يرجع الصوت للسواقى
تحبل الارض الشراقى
يلعب البط فى فساقى
تحدف النسمة الضفاير
يرجع الصبح المسافر
تنكثف شمس المغارب
مرجح النهر القوارب
يفرش القمر المساطب
يبتسم لليل نوادر
ارسمو للضوء خيوطة
يرسم الحالم شطوطة
يفرض الانسان شروطة
ترجع الغنوة لصوتة
تنطلق جو الحناجر
يرجع الصوت المسافر

مش هية دى المحروسة

مش هية دى المحروسة مش هية لاء
امتى اتملت طنين وطحن بدون طحين
لاء فى طبعا طحين اعصاب الماجنين
الى عايشين فى خنكة ويقولو دى المحروسة
بلد المؤدبين ناسها متعلمين
وصوتها لو سمعتة تلقية ماهوش حزين
لا ناس تجرى شمال ولا ناس ترمح يمين
ولو بس اقدر اعرف متشاعبطين شياطين
بعيون منورين وتملى مزعقين مودياهم فين
امتى اتزرعت مبانى وناس بشكل تانى
وادوار من غير معانى بيصورها جنانى
مش هية دى المحروسة مش هية لاء

مقدرش

مقدرش ابيع جدى محتاج ابيع لكن مقدرش ابيع جدى
ازى اقطع جدورى ازى دى مش اصولى
ازى اقطع اصولى واعيش من غير اصول
ودة يسوى اية وكام فى دنيا اى كلام
لو باعو كل الناس انا هشترية وحدى

فين السعادة

فين السعادة فين اشتريها بدمى
وادفع تمنها من دموعى وهمى
فين السعادة فين ياناس طرقها منين
دة انا كنت افرح تملى واضحك ليلى وصبحى
الضحكة زى ضلى مش بتفارق ملمحى
وكان لية رفاقة سمحين وطيبين
فى وشهم برائة وقلبهم امين
لقيت نفسى فى غابة مزحومة بلديابة
ومش قادر اصرخ واقول الحقنى يا ابا
لو اصرخ يضحكو لو ابكى يفرحو
باضحك يشوكو بلفرحة يجرحو
وكل ما ائن انة بيفرحو زيادة
مش معقول دى السعادة

ايام زمان

يرحم ايام زمان وناس ايام زمان وحاجات ايام زمان
يرحم كلام زمان وفرح ايام زمان ودموع ايام زمان
يرحم زمان زمان زمان دة كان خالص غير الزمان
وانا هبكى لية يا زمان دة زمان وراح زمان
مااقولش عنة الا يرحم ايام زمان

عمر الزمان

عمر الزمان ما كمل الحدوتة
اشمعنى يعنى النهار ده
اللى بيحلم اقول توته توته
فوق يابن ادم واستمع واهدا
احنا قلوب بس القلوب شايبة
متعلقة سايبة
فى حبال دايبة
كله يوصل للمفيش
حياه رخيصة متساويش
اوعاك تراهن ع الزمن
عمر الزمن اة ما كمل الحدوته

مين ياخد قلبى

مين ياخد قلبى المليان ويدينى قلبى الفاضى
مين ياخد عمرى القلقان ويدينى عمرى الماضى
ماشى بدون قدم مسنود على العدم
اضحك فى الضحكة شوكة بتضحك من الالم
الم يطول اصرخ واقول
مين ياخد قلبى المليان ويدينى قلبى الفاضى
مين ياخد عمرى القلقان ويدينى عمرى الماضى

يا حبيبة

يا حبيبة يا طبيبة رجعتلك اشتقتلك وندهتلك ودمعتلك
وفى بعدك القاسى كتير كتير سمعتلك وبلدموع نورتلك
كانت ليالى المر ع القلب قاسية تمر
ايامى مش بتسر وضحكتها غريبة
رجعتلك قلبى هلك ولا بمتلك الا دموع البعد والغيبة

الورد كان شوك

الورد كان شوك من عرق النبى فتح ماشاء اللة وصلى على النبى
علية الصلاة والسلام
ع النبى صلى احكى وقولى وياعم خلى الى ماشفش يشوف ويسمع
غير مكانا واقلب زمانا والكان وكنا ضحكنا بكينا لما نشبع
خليها ظيطة وظنبليطة حاجات عبيطة لكن بعبرة والعبرة تنفع
هيلا هيلا يالة هيلا هيلاة ليصة حكاية سهلة لكن عويسة
شوف المسيرى ويا نفيسة
هيلا هيلا يالة هيلا هيلاة ليصة بمدحك يا نبى وامدح مقامك
فيك قبة شريفة خضرة
ورى الحبايب زمن العاجايب رجع الى غايب
مين الى قالة من تانى يرجع
اقفل ودانك وارجع مكانك تسيب زمانك
فاكر زمانا ابدع واروع
الورد كان شوك من عرق النبى فتح ماشاء اللة وصلى على النبى


ألبوم حبيبتى


حبيبتى

حبيبتى يا حبيبتى يا حبيبتى
غصب عنى مش بخاطرى
ياللى ساكنة فى خواطرى
فى دمايا اللى فى عروقى
فى غروبى وفى شروقى
وانا بحلم وانا بجرى
غصب عنى
والسنين تيجى وترحل
مرة اصعب مرة اسهل
لو اخف ولا اتقل
يعشقك علمى وسرى
غصب عنى
غصب عنى وغصب عنك
ده لأنى حتة منك
وانت عشقانى كأنك
الزمن معرفش سرك
ساكنة فى قلبى وصدرى
غصب عنى
ياللى عاجبك لون دمايا
والدموع اللى فى غنايا
ابتسامتك نور واية
انت اسمى وانت عمرى
غصب عنى
ياحبيبتى

تحت المطر

تحت المطر الخطر بيمشى فى السكة
تحت الغيوم الهموم بتقتل الضحكة
والشمس اة من الشمس لما تغيب
وقال يقولو قدر وقال يقولو نصيب
وانا بقول الهموم حولينا تكفينا
والظلم مهما ظلم هيعمل اية فينا
ومين مين يمنع النور يرفرف تانى حولينا
ومين مين يمنع الخير يدوس الفاس فى اراضينا
مهما يكون الليل غميق شد الخطى على الطريق
تحت المطر والخطر تحت الغيوم والهموم

تتكسرى

تتكسرى ولا يتصلب عودك انا جندى فى جنودك
انا الى مش ممكن اخون حزنى ولحظات الشجون
لا حب من غير جنون ولا دمع من غير عيون
دة انا بس معبودك و وجودى فى وجودك
الشمس تطلع او تغيب انتى القدر وانتى النصيب
يا مصـــــــــــــــــــــر

الحب زي الطيور

الحب زي الطيور ..لازم يعيش في النور
وتحبسه ويموت ولا غنى ولاصوت
ولا رفرفه تيجي من جناح مكسور
اكتم هواك جواك ...طول مالفضا مقفول
معقول حتوصل هناك .. وانتا سجين مغلوب
ده الحب حريه الحب حريه
والقلب لو يتقتل ابدا" ملوش ديه
إزاي وانا مقهور ؟ ازاي مكسور ؟ ازاي ألف وادور؟

افتح شبابيك الحلم

افتح شبابيك الحلم و افتح طريق لبكره
و أى شىء بقا علم مهو كان فى الأصل فكره
الأرض دى كانت بور و الضلمة صبحت نور
اللى تحبه ابنيه و هد اللى بتكره
الرأي بالمشوره و لا اجمل من دى صوره
زيح الصوره القديمه و ابنى الدنيا العظيمه
دوس عالعدو اللى باعنا للأيام اللئيمه
افتح شبابيك افتح شبابيك افتح شبابيك الحلم

اغضبى يا دنيا

اغضبى يا دنيا ويا الغاضبين الدما ع الارض رمز العاشقين
يا زهرها يا نهرها يا نجوم مساها وفجرها
يا ريح يا زرع يا ليل يا نور دم الشهيد راجع يهد السور
ويحرر المساجين
من البيوت ومن المزارع و الكنايس والجوامع والشراقى والسواقى
والمدارس والمصانع من الشمال ومن اليمين
صوت الشهيد مسموع قلب البلد موجوع

الجماهير

الجماهير فى حضنى شيلها فى الورق دة
والصوت الى غايب اهو رجع النهاردة
شايل الامانة فداها لو اموت
والناس الى ساكتة خلاص بقلها صوت
الصوت فى الضواحى وفى كل النواحى
اصحى يالى نايم واصحى يالى صاحى
الصوت فى الضواحى وفى كل النواحى
الامة بتصحى وانا طابت جراحى

الفجر شقشق

الفجر شقشق يا قلبى اعشق واذكر الهك خلق وانشأ
وامشى وراها جبل وساحل الى عزابها فى قلبى ساهر
طول ما هى راحلة تلقينى راحل
راحل ورها دمعة و اة ولا حد غيرى فى اليل رأها
ولا حد ادى خدة هواها

اهية صحيت مصر

اهية قامت مصر بتقلع توب الزل
اهية صحية مصر يا ناس قدام الكل
بتنادى فى المخلصين نصارة او مسلمين
نبت الغيطان والطين والنيل بوشة يطل
النيل ملى الشوارع رايح فيها وراجع
النيل كرة السكوت بيخرج من البيون
النيل على الارض جارى
بيزحف من الحوارى ويحاصر القصور
النيل سمع غنانا النيل هتف معانا بأصغر الكفوف
وهية قامت مصر ام القاعدين وبتتعايق بهلال وصليب
والنيل بيقول يا صباح الفل

بيبان القلب

وافتح بيبان القلب للهوى وغصب عنى يقفلة الهوى
كأنة طير مقصوص جناحة قص
قلقان ومش شبعان نظر ولا بص
وازى يطير والكون بحالة قفص
قفص ولة ابواب مقفولة ما بينة وبين الاحباب

تمشى ورى السبع

تمشى ورى السبع تفضل سبع وتموت سبع
تمشى ورى الضبع لاء دة الضبع سىء طبع
كلام قالوة الجدود وهنقولوة بلطبع
اكتم انينك يالى تأن مافيش لجرحك ارحم من
يد اليالى لما تحن بدل القمر يطلع قمرين
كل اليالى الصعبة تفوت اكتم انينك دارى الصوت
لو فيها موت خلينا نموت الموت يخلى العمر اتنين
السبع سبع والضبع ضبع اكشف جراحك وسط الناس
واياك تأن واياك تأن واياك تأن

جراح الجسم

جراح الجسم يدويه المداوى جراح الروح ويدويها مين
يا قلبى يالى صابر ع البلاوى حضنت فىجرحك الناس اجمعين
وليلك يا بلادى طال علينا وشمس الحق غابت من سنين
القى الشمس تصعد من جراحى واسكت يرتفع صوت الانين
وبكرة الصبح وحيات السميع يهل النور على بيوت الجميع
من البور والجفى فوق الموت دة كلة هيضحك للجميع وش الربيع
وتيجى الدنيا عندك ياربيع

من حر مالى

من حر مالى اشترونى ودفعو السعر من جيبى
اة يا شمس فرحانة لية مطروحى ما تغيبى
حزت اديا الحبال والروح راحت منى
يالة اظلمونى كمان يالى انتو ظالمنى
وكل ما النار تأيد وكل ما الاة تزيد
انا بتخلق من جديد يخلقنى تعزيبى

يبان الطريق

لما يبان الطريق يحمى الصديق الصديق يمشى وراة النور
تتجمع الابدان انسان معاة انسان تلقى الحياة بتدور
السكة مليانة جناين رفقى ومافناش ولا خاين
بر الامان للعين باين والى اتهزم منصور
ادى العيون على الصباح
ادى الادين على السلاح
ياعم حى على الفلاح
والى انكسر مجبور



الرجوع الى أعلى الصفحة اذهب الى الأسفل

GMT + 11 Hours رد: كلمات الألبومات الدرامية و النوبية للكينج

مُساهمة من طرف nobianman 2009-04-01, 1:44 pm

هيــــــــــــة

هية لما بتضحك هية لما بتبكى هية لما تنادى هية بتشكى
هية هية وتقول ولادى هية هية نجرى عليها
مد الايادى هيةهية ونبوس اديها
هية هية هية ياعم هية
هيةهيةهية ست الكل هية
والفجر لو جية ولا ماجاش
الفجر عمرة ما يجى بلاش
وحتى لو ننسى ميعادة
الفجر فاكر ما بينساش
ولما يدن صوت الديك
تترشأ الجدران شبابيك
تونسك ضحكة صوتها
ويصحى صوتها احلى مافيك


الملك هو الملك


على عليوة

على عليوة يالى ضرب الزميرة يالى
وضربها حربى يالى نطت فى قلبى
قلبى رقاص يالى فى بلاد الناس
والناس مجاريحيالى من عكس الريح
والريح هردانة لا تبوح بأمانة
وامانة يا خلى تعشق وتقولى
على قصعة حنة فى جنينة حنا
حنا وزاة عند السلطان يالى
سلطان هبوش ابو زمة فاشوش
السبحة فى ايدة بيعد عبيدة
وعبيدة كتار زنهار زنهار
زنهار افراح يكلو التفاح
والصوف مساكين ضايعين ضايعين
فى الفرح ناسينة يا السلطان
وفى همة داعينا يا السلطان
يسرق ضحكتنا ويبوح غناوينا
غناوينا عزاب من الباب للباب
وعزبنا حنان مش للسلطان
سلطان الشوم سرق الفيوم
وخدوة محتار من الدار للنار
نصبولة الزار نصبولة الزار

اللة يا دايم

اللة يا دايم هوة الدايم ولا دايم غير اللة
اة يا زمان كداب يا زمان فى الحدوتة وفى العنوان
دنيا مظاهر عايشة الظاهر والقفطان هوة السلطان
حطوة الخوصة على الخوصة فوق البوصة المفعوصة
تتقمع تبقى عروسة تتمنظر على خصن البان
واحد حل واحد ضيف نط الحل سأل ضيفة
حظر فظر تقدر كيف تعرف عنتر من خوفة
بات الضيف على حد السيف يتقلب مش عارف كيف
شغل مخةوفرشة وهرشة وفردة ولمة وشمة وقرشة
قولى يا مخ يا صنع الكيف زى ما بين الشتا والصيف
فين الفارق والشتان بين الفارس والسلطان
سنفر مخة وقشرة وبشرة وخربة وظبطة وشالة وخبطة
تعب الضيف من لعب السيف غنى ياعين ويالالى كمان
جالة الهاتف ليلة صيف فوقة مراية وتحتة حصان
ابيض فى ابيض زى الطيف قالة يا غافل يا غلبان
عنتر هوة جراب السيف والسلطان حشو القفطان

تيك تيك

تيك تيك مين تيك تيك مين
تين على موز لاء موز على تين
تين على موز او موز على تين
كلة مغطى القمر الدين
توتة توتة يا تحت التوتة دى الحدوتة والسامعين
جدى يقولى النار لا تخلى لما تولع ناس ظلمين
كان ياما كان فى زمان ومكان كانو تلاتة من التلاتين
جمع شين على زين الدين عملة مأمرة على الباقين
اصل الشلو بيشبة للوة حتى حمار الزبالين
بعد ما شالو حطو وغطو نامو وغطو ومش خايفين
قامة قومة فى عز النومة لا خلى كاف ولا شين ولا زين
توتة توتة دى الحدوتة وادى التوتة والسامعين

حادى يا بادى

حادى يا بادى ياظهر النادى فكرك اية
عمك شنطح جالك ينطح تديلة اية
اديلة قطفة ..تديلة قطفة قطفة اية
قطفة ماقطفة فكرة وخاطفة
امال قولى لو انت يا خلى
عمك شنطح جالك ينطح تديلة اية
كان يا ما كان كان دلوقتى ولا زمان
ماهو دلوقتى زى زمان
كانو جماعة فى ارض وسيعة
فيها طبيعة وناسها الصفيا
تروى الصحرى بعرق العافية
الارض الساكتة تبوح بساتين
اللة اللة قمح وياسمين
يا ما شاء اللة
والناس عايشين بما يرضى اللة

حلاقاتك

حلاقاتك برجالاتك حلقة دهب فى وداناتك
يا حنتوسك يا فنتوسك يجعل عمرك قد فلوسك
جاتنى الشمس وطالبة تبوسك خجلة من ضى ابتساماتك
حصنتك ما تشوف الزل بخرتك بخدود الفل
ورقيتك من عين الكل النبى حارسك من عتاراتك
قلعتك حرز لبستك حرز القامطة حرير والصوف ع الشرز
قلعتك طاقة لبستك طاقة وكتبت حجابك على وبر الناقة
يكفيك الشىء والعيا والضيق وسكوت الناس وكلام العين
قلعتك قابة لبستك قابة ابعد يا شطان وتعالى يا شابة
لفية وارقية واسهرى سلية وفى برد اليل ضمية ودفية
قلعتك عافية لبستك عافية ورميت هلاهيلك فى المية الصافية
وغسلت زنوبك وقريت مكتوبك السعد مواعدك والهنا محسوبك
يارب يا ربنا يكبر ويبقى زينا طق الودع سحر وبدع سعد السعود فى ارضنا
تاتا تاتا خط العتب ودوس على كل العتب والى انقرى والى انكتب
واسرح فى نعمة ربنا يارب يا ربنا يكبر ويبقى زينا
خد البشارة يا حسن وافتحلنا الفال الحسن
وابعت على عيونة الوسن نوم العوافى والهنا
نام نام نام نام وادبحلك برجين حمام
واعملك طاجن وبرام واقعدلك سهران ما بنام
واغزلك زعبوط وحرام واخطبلك بنت من الشام
واقطفلك ورد الاحلام واكتبلك ع الورد كلام
حسادك بيتين اليل يتلو على نار الويل
سهرهم ودمعهم سيل شتتهم لو جالك ميل
واتحصن منهم بلخيل وملايكة شايلينك شيل

شروم بروم

شروم بروم حالى غلبان
شروم بروم حالى تعبان
دنيا غرورة وكذابة لكن جميلة وجزابة
مجاريح ونعشقها صبابة ادينا وادى حال الانسان
مجنونة خالص ترارلى بكلمة تعزل وتولى
وفى لحظة تاخد ما تخلى امان امات يالالى امان
دلوعة ماشية بتتغندر بين الامام والشهبندر
والغاوى قاعد يستنظر حب العزيز يطرح رمان
يا حلم يا جناح المساكين يا وعدى من ورد البساتين
ملاين ربيع رايحين جين والكون حزين من غير الوان

طفي النور

طفي النور
طفي النور يا بهيه
طفي النور
كله عساكر دورية

جوزك راجع من سوقه
راكبه الهم وبيسوقه
نطو العسكر من فوقه
دورية ورا دورية

جوزك سارح على غيطه
بيلضم همه في خيطه
ازحوا العسكر على حيطه
يلعبوا عسكر حراميه

خالك راجع من مكة
طلعوا العفاريت في السكة
الف ولاد الجّنية

ولد رايح على عكا
يفتح سكه على سكه
طلعوا عليه سدوا السكة
واتحاصر رايحة وجاية

ايدي النور يا بهيه
كل العسكر حراميه

طنوش

طنوش قالك طناش وما تعصلجلناش
تعملى فيها عنتر دة شىء ما يخصناش
بس البعيد هيتعب وهتبقى حالتة اصعب
خليك من حسب اشعب طنش تاكل بلاش
تنح قفاق وفقم وازرع وشك قوالح
ماطحتش المصالح ما بين خاصم وصالح
دة مافيش خصومة دايمة تفضل ع الوش عايمة
و لا القيامة قايمة الا فى لحظة طناش
غفير وخلتة داية لو مسكوة عصايا
ولبسوة عبايةوحطوة ع المرايا
هيشوف اتخن امير ملعون ابو الفقير
وتسأل ع الاصول يقول ما شفتهاش

عطشان

عطشان يا صبايا درب الهوى صعيب الصحرى مديدة بعيدة
عطشان والمية قريب عطشان عطشان عطشان
الخطوة عزاب ومتاهة والحلم اخضر وعجيب
وانا كل مااقول التوبة ترمينى الماقدير
حبيبى يا نجمة ليلى يا منورى السراديب
مكتوب على كف العاشق روح بلدك يا غريب

موال الصبر

امر من الصبر سؤلانك لغير مولاك
يصفر لونك وقليل ان سمح وعطاك
الندل صاحب قليل البخت واتواعدوا
يمشوا رفاقة بطول العمر ما يباعدوا
وفى الاصيل زى الغمامة بوعدة
والندل غير طريقة والزمن اهوا ساعدة
وبعدة لسة الخيانة سايرةفى الافلاك

يامه مويل الهوي

يامه مويل الهوي
يامه موايليا
طعن الخناجر ولا
حكم الخسيس فيا
الصبر حلم العواجز
يطرح زهور الأماني
والقهر عدى الحواجز
وأنا إللي واقف مكانى
شايف غيطان البشاير
خايف . وكانن إديا
حتى الحمام إللي طاير
ما رضيش يرفرف عليا
يامه مويل الهوي
يامه مويليا
طعن الخناجر ولا
حكم الخسيس فيا

سألت شيخ الطريقه
ما رضيش يجاوب سؤالي
ودارى عني الحقيقه
وفاتني حاير ف حالي
سألت شيخ الأطبا
دوا الجرح إللي بيا
نظر لي
نظره محبه
وقال دوايا بايديا
يامه مويل الهوي
يامه مويليا
طعن الخناجر ولا
حكم الخسيس فيا

يامصر
وإنتي الحبيبة
وإنتي اغترابي وشقايا
وإنتي الجراح الرهيبه
وإنتي إللي
عندك دوايا

علمني حبك عباره
سهله
وبسيطه
وعفيه
شرط المحبه الجسارة
شرع القلوب الوفية
يامه مويل الهوي
يامه مويليا
طعن الخناجر
ولا
حكم الخسيس فيا

حدوتة مصرية


مـــــــــــــــــــــنرداش يخاصم القمر السما
مـــــــــــــــــــــنرداش تدوس البشر بعضها
مـــــــــــــــــــنرداش يموت جوة قلبى نــدا
مـــــــــــــــــــــنرداش تهاجر الجزور ارضــــا
مـــــــــــــــــــــنرداش قلبــى جواى يغنـى
الاجراس تدق لصرخة مــــــــــــــــــــــــيلاد
تــــــــــــــــــــموت حتة منـــــــــــــــــــــى
الاجراس بتعلن نهاية بشر من العبــــــــــاد
دة الحكــــــــــــمة جتلتنى وحيتنـــــــــــى
وخلتنــــــــــــــــــى اغوص فى قلب السر
جلب الكون قبل الطوفــــــــــــــــان مايجى
وخلتنـــــــى اخاف عليكى يا مصــــــــــــر
واحكيـــــــــــــــــــــــــــــلك على المكنون
مــــــــــــــــين الى عاقل فينا مين مجنون
مــــــــــــــــين الى مدبوح من الالــــــــــم
مـــــــــــــــين الى ظالم فينا مـين مظلوم
مــــــــــين الى ما يعرفش غير كلمت نعم
مــين الى محنيلك خضار الفلاحين الغلابة
مــــــين الى محنيلك عمار عمالك الطيابة
مـين الى بيبع الضمير ويشترى بية الدمار
مين هوة صاحــــــــــــــــــــــــب المسئلة
والمشـــــــــكلة والحكاية والقــــــــــــــلم
رئيت كل شىء وتعبت على الحقيقـــــــة
جابلت فى الطريق عيــــــــــون كتير بريئة
اعرف بشر عرفونـــــــــــــى لا معرفونيش
جبــــــــــــــــلونى وجبلتهــــــــــــــــــــــم
بمد ايدى لك طب ليـــــــــــــة ماتجبلنيش
لا يهمنــــــى اسمك لا يهمنـــــى عنوانك
لا يهمنــــــى لونك ولا ميلادك مكانــــــــك
يهنـــــــــــــــى الانسان ولو ملوش عنوان
يناس ياناس يمكبوتة هية دى الحــــــدوتة
حدوتة مصــــــــــــــــــــــــــــــــــــــــــرية
حدوتة مصــــــــــــــــــــــــــــــــــــــــــرية


كدودة


كدودة هوى ووا كدودة.... يا بنت يا صغيرة
كدودة اركن لويندا..... يا عطر البلد كلها

ايرجونا ماستون كيلى..... يا أطيب بنت
كدودة جونجا استدونى.... فى وسط البنات الصغيرة
دهب نجربى نافيتا .... ولامعة وستهم زى الدهب
شوار تى توتا النتاجنا ..... أنتى بتأخدى روحى منى

بدا بدامو السدانا..... بتتمايلى و بتدلعى
قلم الحرير انجدانا ...... ولابسة الحرير اللى بيلمع
دبوس بورد النجوم.... ماسكة شريط الحرير
شريط كندو المتاجنا..... بدبوس متزين بالورد

ماشالله توتنا فينا.... لابسة المشاء الله و ماشية
كولونيا جومى السكاجنا.... ومتعطرة بأحلى كولونيا
اتر لاجلا و كانجا.... عاملة وشم تحت الفم
قلم لامانا و كاجنا.... وراسمة بقلم الكحل



الله لون يا لون


الله لون يا لون
لونا يا لو لونا

وينجى ويكا نارى ..... أنا شايف نجمة
ادين جوبال نارى ..... أهية قصادى شايفها
كوتا جوزى فامى ..... عقبال مأقوم أرروح لها
وينجى را وايونا .... النجمة كانت أختفت

الله لون يا لون
لونا يا لو لونا

تينالو تيارا ...فى الغرت تيارات
متالوج ليانا .... فى الشرق طين
جاسكلوب موج موجا .... و فى النص امواج كتير
سكرى كاتويا.... ازاى حقدر اعدى لك

الله لون يا لون
لونا يا لو لونا


شمندورة

ايوو شمندورة منجنا..... يا شمندورة يا واقفة
بهر جاسكو مينجنا ..... فى وسط البحر
سجرى مالا واينا...... والقوارب بتتدلع او بترفرف
مورتنا ناواينا..... بترفرف اكتر لما تكون جنبك


حنينه




أوا روجريسكا ....ليل ونهار
شيربا فوجا ...... دموعي نازلة
اونا ما نا .......... وعيني دمعت
مادونجناني ....... لحد ما تعبت

دولا اودجا ......حبيتها انا
نوتشا ميسكا ... وبقيت مريض بحبها
جته تونيج كابجوناني..... والنار اكلت في جسمي

لا لا تاري ....... تعالي تعالي
ايان تاري ........ استحلفك تعالي
اوه حنينه ....... يا حنينه

اوه حنينه ........ يا حنينه
شورتي فراجا..... روحي بتفراقني
حمل اللليل ميسكونا.... وماتحملتش طول الليل
حمل الليل ميسكونا .... ماقدرش اتحمل طول الليل
اصل بالنا ميتشونا ........ اصلك حتاخدي بالي معاكي عقلي
ووه ماستود ..... يا طيبة
انير حراما ...... كدة حرام
ايدا فراق ..... فراقك كدة
النير صعيبة .... صعب عليا

اوردا ما شدة ذاب ... المرض عذابه شديد
جته تونجي سيرتي نيجة ...... النار قايدة في جسمي
حمل الليل ميسكونا .... ماقدرش اتحمل طول الليل
اصل بالنا ميتشونا ........ اصلك حتاخدي بالي معاكي عقلي

ووه حنينه شورتي فراق


واشرى





لا لا ووه كدودة.....لا ياصغيرة
ايجا كير ناليه...... طللي عليا وشوفيني
هارب السي ويراني ني..... دايما بتهربي مني
ايجا كير ناليه ..... تعالي وشوفيني

ايجانامي وليه سوني......دايما بتبعدي عني
ايجانانا جيسكو ني....... دايما مكسلة عني ما بتهتميش بيه
ايرنوكسي نهار دوت...... من نهار مانتي مشيتي
شورتي وايا فينا ..... مش عارف اتلم على روحي


ايكاننا فرجي ريه ..... انا عايزك دايما معايا
اندمولنا فيرجريه.....انا عايزك دايما جنبي
ايرنوكسي نهار دوت.... من نهار مانتي مشيتي
شورتي وايا فينا ..... وروحي طايرة مني

لا لا والف لا
عشق وميل واه يا ليل


نيجريبة


نيجربية.....- مين دي

شليكي كيرج موللو فوتنا....-البنت الحلوة مرت من جنبنا

بشكوسا كير موللو فوتنا.....- عدت وبصت بطرف عنيها

منا منااااا.....- ليه


el kebeer kbeeer ... B3sh2kkk ya mounir

الرجوع الى أعلى الصفحة اذهب الى الأسفل

GMT + 11 Hours رد: كلمات الألبومات الدرامية و النوبية للكينج

مُساهمة من طرف shevchenko 2009-04-11, 5:00 am

موضوع جااااااااااامد جداااااااا
مشكوووووووووووووووور

الرجوع الى أعلى الصفحة اذهب الى الأسفل

GMT + 11 Hours رد: كلمات الألبومات الدرامية و النوبية للكينج

مُساهمة من طرف semsema 2009-05-08, 3:32 pm

تسلم ايدك يانوبي

فعلا انا كان نفسي اعرف حاجات كتير وعرفتها

موضوع هايل

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى