أنا بحب واحد..وخايفة منه

من طرف بنت النوبه 2008-10-01, 4:55 pm

السلام عليكم ورحمة الله وبركاته

أيوة انا بحب واحد اوى …. بس خايفة منه

سبونى أتكلم برحتى واحكى عنه قد اية هو جميل

سبونى من لغه العربية وسبونى اتكلم بالعامية ده كلام من القلب للقلب

مش عارفة اقول اية ولا احكى اية….. مش عاوزكم تضحكوا علية وتقولوا مجنونة

اصلى بصراحة عمرى ماشفته بس بحبه

بس دائما بكلمه لالالالا اوعوا تفهموا غلط مش فى تليفون لالالالالا ولا النت

عمتا مش لازم تعرفوا دلوقتى انا بكلموا فين بس بحس براحة اوى وانا بكلموا

وبحس انه مبسوط اوى لما بكلمه وعنده قدرة كبيرة انه يسمعنى وعلى قد حبى لية

بخاف منه اوى وبترعب وبزعل اوى لما احس انه زعلان منى

هو مش بيقولى انه زعلان لالالالالالالا بس انا ببقى عارفة انه زعلان لانه من الاول فهمنى وقالى على لى
بيزعلوا…

بس عارفين انا نفسى اشوفه اوى … بس على قد منا نفسى اشوفه خايفة منه

خايفة من نظرته ليا من كلامه معايا حسة انه زعلان منى لانى كتير جدا مش بعمل لى بيبقى عاوزه منى

بس هو قلبه كبير سمحنى كتير …. بس انا وحشة ايوة وحشة وبرجع اعمل لى بيزعلوا منى

مشتاقه اشوفه ….. واتكلم معاه …. بس ازاى وانا خايفة

ازاى اقابله وهو زعلان منى ……. لالالا هو دلوقتى مش زعلان لانى ماشية زى ماهو عاوز بس ساعات كده بتقع منى حاجات بدايقه

بس عارفين هو بيسمحنى وبيحبنى اكتر من ابويا وامى كمان عشان كده انا بحبه اكتر منهم

هو اكتر واحد بيخاف علياااا

ازاى اكتر واحد بيحبك وبيخاف عليكى وانتى مشفتوش ولا هو شافك؟؟

لالالا هو شفنى كتير انا على طول قصاده بس انا مشفتوش هو قالى لو عاوزة تشفينى اعملى كل شىء يرضينى

وانا قررت اعمل كل شىء يرضيه لانى بحبه اوى ونفسى اشوفه

مشتاقة
مشتاقة
مشتاقة له اوى

طبعا عاوزين تعرفوا مين لى شغلنى بحبه لى انا متاكدة انى مش هحب حد قده

هو ربى وربك ورب الكون المسامح الكريم دائما بيدينا ومستنى مننا شكر بس

وشكر هو اننا نصلى ونستغفره دائماااا شفته قد اية طلباته بسيطة

من طرف Mr.ReKoOo 2008-10-03, 8:25 am

بشكرك على الاحساس الجميل دة بجد مش عارف اعبر بكل احساس اقرب

مايكون بكل تقدير من قلمك دة واتمنا لكى المزيد من الاحساس الرائع دة

تقبلى مرورى وارجو المزيد من المزيد والاورع من قلمك

أنا بحب واحد..وخايفة منه

أنا بحب واحد..وخايفة منه

رد: أنا بحب واحد..وخايفة منه